कांग्रेसको निर्णय: रामचन्द्र पौडेललाई राष्ट्रपतिको उम्मेदवार बनाउने

काठमाडौं। नेपाली कांग्रेसले वरिष्ठ नेता रामचन्द्र पौडेललाई राष्ट्रपतिको उम्मेदवार बनाउने निर्णय गरेको छ ।

आज शनिबार बिहान बसेको कार्य सम्पादन समितिको बैठकले पौडेललाई अघि सार्ने निर्णय गरेको हो ।

नयाँ सहमति अनुसार कांग्रेस-माओवादीसहित ८ दलीय गठबन्धन बनेको छ। यसैगरी नेकपा माओवादी केन्द्र, नेकपा एकीकृत समाजवादी, जनता समाजवादी पार्टी, लोकतान्त्रिक समाजवादी पार्टी, जनमत पार्टी, नागरिक उन्मुक्ति पार्टी र राष्ट्रिय मोर्चा पार्टीले राष्ट्रपति निर्वाचनमा कांग्रेसलाई समर्थन गर्ने सहमति दिएका छन् । जसअनुसार राष्ट्रपतिमा कांग्रेसका उम्मेदवारलाई समर्थन गर्ने निर्णय भएको हो।

राष्ट्रपतिको निर्वाचनका लागि आजै मनोनयन दर्ताको कार्य तालिका छ । राष्ट्रपति निर्वाचनको मतदान यही फागुन २५ गते हुँदैछ ।