नवनिर्वाचित सांसद्हरु आज शपथ ग्रहण गर्न संसद् भवन पुग्दै (तस्बिरहरू)

काठमाडौं। प्रतिनिधिसभाका नवनिर्वाचित २७५ सांसदले आज शपथ ग्रहण गर्दैछन्। सो शपथग्रहणका लागि सांसदहरु संसद भवन पुग्न थालेका छन् । 

नयाँबानेश्वर स्थित संसद् भवनमा आज दिउँसो १ बजे सांसदलाई शपथ ग्रहण गराउने कार्यक्रम छ । प्रतिनिधिसभाका ज्येष्ठ सदस्य पशुपतिशमशेर राणाले नवनिर्वाचित सांसदलाई पद तथा गोपनीयताको शपथ गराउनेछन् । राष्ट्रपति विद्यादेवी भण्डारीले ८० वर्षीय राणालाई हिजो बुधबार नै शपथ खुवाएकी थिइन् ।

सांसद्हरुलाई राष्ट्रिय पोशाक वा आ–आफ्नो सांस्कृतिक पहिचान झल्कने पोशाकमा उपस्थित भइदिन संसद् सचिवालयले आग्रह गरेको छ ।

संविधानको धारा ८८ बमोजिम संघीय संसद्‌को प्रत्येक सदनका सदस्यले सदन वा त्यसको कुनै समितिको बैठकमा पहिलोपटक भाग लिनुअघि संघीय कानुनबमोजिम शपथ लिनुपर्ने कानुनी व्यवस्था छ ।