राष्ट्रपति भण्डारी र सिके राउतबीच भेटघाट 

काठमाडौँ। सप्तरी क्षेत्र नम्बर २ बाट निर्वाचित जनमत पार्टीका अध्यक्ष डा. चन्द्रकान्त राउत (सिके) यतिबेला राजनीतिक भेटघाटमा व्यस्त रहेका छन् । अध्यक्ष राउतले आज राष्ट्रपति विद्यादेवी भण्डारीलाई भेटेका छन्। 

आज मंगलबार उनले राष्ट्रपति कार्यालय पुगेर राष्ट्रपति भण्डारीलाई भेटेका हुन्। उनले आफ्नो सामाजिक सञ्जालमार्फत् भेटको तस्बिर सार्वजनिक गरेका छन्। 

उनीहरूबीच शिष्टाचार भेटघाट भएको र देशको समसामयिक राजनीतिक निकासका विषयमा छलफल भएको राष्ट्रपति कार्यालय स्रोतले जनाएको छ। 

सप्तरी क्षेत्र नम्बर २ मा मंसिर ४ गते सम्पन्न निर्वाचनमा राउतले जसपाका अध्यक्ष उपेन्द्र यादवलाई पराजित गरेका थिए ।