प्रदीप खड्काले गगनलाई भोट माग्दै भने- अब देश सम्हाल्नुपर्ने नयाँपुस्ताले नै हो

काठमाडौं । चर्चित अभिनेता प्रदीप खड्काले नेपाली कांग्रेसका महामन्त्री तथा काठमाडौं–४ मा सत्तागठबन्धनका साझा उम्मेदवार गगन थापाका लागि भोट मागेका छन्। यही मंसिर ४ गते हुने प्रतिनिधिसभा र प्रदेशसभा चुनावमा कलाकार पनि होमिका समयमा अभिनेता प्रदीप खड्काले भावी प्रधानमन्त्री गगन थापा हुने दाबी गर्दै उनले थापालाई चुनाव जिताउनका लागि मत मागेका हुन्। 

यतिबेला कलाकार समेत कलाकारिताबाट विश्राम लिएर चुनावी मैदानमा उत्रिएका छन्। यस मामिलामा प्रदीपले थापालाई भोट माग्दै भने,’अहिले देशका लागि नयाँ  युवा पुस्त चाहिएको छ, म दाइलाई पार्टीगत रुपले भन्दा पनि व्यतिगत रुपले साथ दिन्छु’। 

अर्बपति कांग्रेस उम्मेदवार विनोद चौधरीलाई भोट माग्न नवलपरासी पुगेका ‘प्रेमगीत’ फेम्ड अभिनेता खड्का बुधबार अर्का उम्मेदवार गगन थापालाई भोट माग्दै गर्दा भेटिए । गगनको चुनावी घरदैलोमा पुगेर प्रदीपले उनको पक्षमा भोट समेत मागे । यति मात्र होइन, प्रदीपले गगनलाई भावी प्रधानमन्त्रीको रुपमा अघि सारे ।

‘दाइमाथि मलाई विश्वास छ । भावी प्रधानमन्त्रीको रुपमा आफूले आफूलाई जसरी दाबेदारी देखाइरहनुभएको छ । म यसमा विश्वस्त छु कि आउनुपर्ने र सम्हाल्नुपर्ने नयाँपुस्ताले नै हो,’ प्रदीपले भने ।