प्रचण्ड भन्छन्: यो चुनाव पाण्डव र कौरवबीचको युद्ध हो

काठमाडौँ । सत्ता गठबन्धन दल नेकपा माओवादी केन्द्रका अध्यक्ष पुष्पकमल दाहाल प्रचण्डले आगामी मंसिर ४ गतेको चुनावलाई पाण्डव र कौरवबीचको ‘महाभारत युद्ध रहेको दाबी गरेका छन्। अध्यक्ष प्रचण्डले यो चुनाव महासंग्रामसँगै जनमत संग्रह पनि रहेको बताएका छन् ।

मंगलबार नवलपरासीमा भएको सत्ता गठबन्धनको चुनावी सभालाइ संवोधन गर्दै उनले भने, अहिलेको महासंग्राम कौरव र पाँच पाण्डवबीचको लडाइँ हो । यो चुनाव चानचुने होइन। यसलाई सबैले बुझ्न जरुरी छ। ‘जनताको अधिकार सुनिश्चित गर्न गठबन्धन गरिएको बताए । साथै उनले यहि गठबन्धन आगामी १५/२० वर्षसम्म कायम रहने समेत दाबी गरे। 

जनताको अभिमतको अवमूल्यन गर्ने कौरवहरूको पराजय निश्चित छ,’ उनले भने, ‘मतदाताले लोकतान्त्रिक वाम गठबन्धनको पाँच पाण्डवका उम्मेदवारहरूलाई विजय गराउने छन् ।’