चुनावी सभालाई सम्बोधन गर्न देउवा र दाहाल कर्णाली प्रदेशमा

काठमाडौँ । प्रधानमन्त्री एवं नेपाली कांग्रेसका सभापति शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल प्रचण्डले आज आगामी निर्वाचन लाचित चुनावी सभालाई सम्बोधन गर्न पुनः कर्णाली आइपुगेका छन् । 

कर्णालीका दुई चुनावी सभालाई सम्बोधन गर्न प्रधानमन्त्री देउवा र प्रचण्ड कर्णाली प्रदेशमा आएका हुन् । 

चुनावी कार्यक्रम अन्तर्गत देउवा र दाहालले दिउँसो २ बजे कांग्रेसका उपसभापति पूर्णबहादुर खड्काको निर्वाचन क्षेत्र सुर्खेत निर्वाचन क्षेत्र–१ को गुर्भाकोट नगरपालिकाको खैरेनीको भेरी किनार दैलेखको दुल्लुमा आयोजना हुने चुनावीसभालाई दुवै नेताहरूले सम्बोधन गर्ने गठबन्धन दलका नेताहरूले बताएका छन्। 

उनीहरुले आजै दैलेखको दुल्लुमा आयोजित चुनावी सभालाई पनि सम्बोधन गर्ने कार्यक्रम छ । 

यसभन्दा अघि अध्यक्ष प्रचण्ड र कांग्रेस उपसभापति खड्काले हुम्ला, जुम्ला, कालिकोटमा आयोजना गरेको चुनावी सभालाई सम्बोधन गरेको केही दिनमा नै पुनः देउवा र दाहाल कर्णालीका गठबन्धन दलले आयोजना गरेको चुनावी सभालाई सम्बोधन गर्न त्यहाँ पुगेका हुन्।