मतदान केन्द्रमा स्थलगत अनुगमन गरिँदै

काठमाडौँ। १ लाख ३३ हजार ५ सय ५९ मतदाता रहेको लमजुङ जिल्लामा आगामी ४ मङ्सिरमा हुँदै गरेको प्रदेश तथा प्रतिनिधिसभा सदस्य निर्वाचनमा प्रयोग हुने मतदानस्थल तथा मतदान केन्द्रबारे निर्वाचन र सुरक्षा निकायले अनुगमन तथा निरीक्षण गर्न थालेको छ।  

उक्त टोलीले मतदानस्थल र मतदान केन्द्रको भौगोलिक अवस्था, सुरक्षा चुनौतीको अवस्था, यातायात सुविधा, नागरिकलाई मतदान गर्न आउँदाको सहजतालगायतबारे स्थलगत अनुमगन तथा निरीक्षण थालेको हो ।

निर्वाचन आयोगले सोमबार एक विज्ञप्ति जारी गर्दै चुनावी प्रचारप्रसारको समय कात्तिक १७ देखि मात्र तोके पनि राजनीतिक दलले विभिन्न माध्यमबाट अप्रत्यक्ष रूपमा चुनावी अभियान थालिसकेका छन् । 
 
निरीक्षण तथा अनुगमन टोलीमा नेपाली सेना, नेपाल प्रहरी, सशस्त्र प्रहरी र राष्ट्रिय अनुसन्धानका प्रमुखसमेत छन् । जिल्ला निर्वाचन अधिकारी नारायणप्रसाद सापकोटाका अनुसार जिल्ला कारागार र जिल्ला समन्वय समिति अस्थायीसहित १ सय ३० मतदानस्थल र १ सय ८८ वटा मतदान केन्द्र छन्  । निर्वाचनका लागि लमजुङमा निर्वाचन सुरक्षार्थ २ हजार ३ सय ७६ सुरक्षाकर्मी खटिँदै छन्