निर्वाचनका लागि लमजुङमा म्यादी प्रहरीसहित २ हजार ४ सय सुरक्षाकर्मी खटिने

काठमाडौँ । आगामी ४ मंसिरमा हुने प्रतिनिधिसभा र प्रदेशसभा निर्वाचनका लागि लमजुङमा म्यादी प्रहरीसहित दुई हजारभन्दा बढी सुरक्षाकर्मी खटिने भएका छन् ।

लमजुङका प्रमुख जिल्ला अधिकारी सुशील वैद्यका अनुसार लमजुङ क्षेत्रमा दुई  हजार तीन सय ७६ सुरक्षाकर्मी परिचालन गरिनेले छ। 

यस्तै सबैभन्दा बढी म्यादी प्रहरी एक हजार ९७ जना खटिनेछन् भने नेपाल प्रहरी ६ सय १२ जना, नेपाली सेना चार सय ६०, सशस्त्र प्रहरी एक सय ९७ जना र राष्ट्रिय अनुसन्धानका १० जना खटिने वैद्यले बताए। 

लमजुङमा जिल्ला कारागार र जिल्ला समन्वय समिति अस्थायीसहित एक सय ३० मतदानस्थल छन् भने कारागार र समन्वय समिति अस्थायीसहित एक सय ८८ वटा मतदान केन्द्र छन् । लमजुङमा जम्मा एक लाख ३३ हजार पाँच सय ५९ मतदाता रहेका छन् । जिल्लामा ६८ हजार दुई सय ८८ महिला मतदाता रहेका छन् भने ६५ हजार दुई सय ७१ पुरुष मतदाता रहेका छन् ।