बुढानिलकण्ठमा कांग्रेस पदाधिकारी बैठक जारी

काठमाडौं । नेपाली कांग्रेसका सभापति शेरबहादुर देउवाले पदाधिकारी बैठक बोलाएका छन् । उनले पार्टीको आउँदो महाधिवेशनबारे छलफल गर्नका लागि बैठक बोलाएका हुन् । बूढानीलकण्ठस्थित देउवा निवासमा जारी बैठकमा पदाधिकारीसँगै पूर्वपदाधिकारी पनि सहभागी छन् ।

बैठकमा सभापति देउवा, वरिष्ठ नेता रामचन्द्र पौडेल, उसभापतिद्वय विमलेन्द्र निधि र विजयकुमार गच्छदार, महामन्त्रीद्वय डा. शशांक कोइराला र पूर्णबहादुर खड्का, सहमहामन्त्री डा. प्रकाशशण महत, कोषाध्यक्ष सीतादेवी यादव, पूर्वमहामन्त्रीद्वय प्रकाशमान सिंह र कृष्णप्रसाद सिटौला, नेताहरु गोपानमान श्रेष्ठ, अर्जुननरसिंह केसी रामशरण महत र प्रवक्ता विश्वप्रकाश शर्मा सहभागी छन् ।

पछिल्लो समय कांग्रेसको विवाद पनि बढ्दै गैरहेको छ । विभाग गठन, क्रियाशील सदस्यता वितरण/ नवीकरण र केन्द्रीय सदस्य रहेकाे व्यक्तिले भातृ संस्थाका पदाधिकारी नत्यागेको विषयमा सो पार्टीमा विवाद छ।

यस्तै सभापति देउवाले गठन गरेको विभाग विधानविपरीत भएको भन्दै पौडेल पक्षले मान्य नहुने बताइरहेको छ।