सिट बाँडफाँटको टुंगो लगाउन बालुवाटारमा गठबन्धन कार्यदलको बैठक जारी 

काठमाडौं। पाँच दलीय गठबन्धनमा सिट बाँडफाँटको छलफल गर्न कार्यदलको बैठक अहिले बसिरहेको छ। 

आगामी मंसिर ४ गते हुने प्रतिनिधि र प्रदेशसभा निर्वाचनको लागि सिट बाँडफाँट गर्न प्रधानमन्त्रीको सरकारी निवास बालुवाटारमा बैठक जारी रहेको प्रधानमन्त्री कार्यालय स्रोतले जनाएको छ।  

प्रतिनिधिसभा तर्फको सिट बाँडफाँट लगभग टुंगो लागेपछि कार्यदल प्रदेश सभातर्फ केन्द्रित भएको छ। 

प्रदेश सभातर्फ रहेका ३३० सिटमा संघको बाँडफाँटकै अनुपातलाई आधार बनाएर छलफल भएको बताइएको छ। 

प्रदेशसभाका ३ सय ३० सिटका लागि गठबन्धनका दलहरूको दाबी ४ सय ७ सिटमा पुगेको छ । दलहरूबीच दाबी संख्या बढ्ता भएपछि त्यसलाई कसरी मिलाउने भन्नेमा थप समस्या देखिएको छ ।

प्रदेशको मुख्यमन्त्री पनि कुन प्रदेशमा कसले पाउने भन्ने अनौपचारिक सहमति खोज्ने प्रयास भइरहेको छ ।