निलम्बित जबरा सर्वोच्च फर्कने भएपछि अदालत वरपर सुरक्षा व्यवस्था कडा 

काठमाडौं। महाभियोगपछि निलम्बनमा परेका सर्वोच्च अदालतका प्रधानन्यायाधीस चोलेन्द्र शमशेर जबरा पुन: सर्वोच्च अदालत फर्कने भएपछि सर्वोच्च अदालत वरपर सुरक्षा व्यवस्था कडा बनाउनुको साथै ठूलो संख्यामा सुरक्षाकर्मी परिचालन गरिएको छ ।

निलम्बित प्रधानन्यायाधीस जबरा माथि संसदमा महाअभियोग दर्ता भएपछि उनी निलम्बनमा परेका थिए । 

महाअभियोग प्रक्रिया नटुङ्गीदै आज राती १२ बजेबाट सांसदहरुको कार्यकाल सकिएका कारण महअभियोग निस्क्रिय भएको जनाउँदै जबरा पुन: फेरी काममा फर्कन लागेका हुन् । 

साथै गठबन्धनका अधिवक्ताहरुले कुनै हालतमा चोलेन्द्रलाई सर्वोच्चमा प्रवेश गर्न नदिने दावा गरेका छन्। 

गत १ फागुनमा सत्तारुढ दल कांग्रेस र माओवादी केन्द्रका सांसदले उनीविरुद्ध प्रतिनिधिसभामा महाअभियोग प्रस्ताव दर्ता गरेका थिए ।