गठबन्धनलाई गोकुल बास्कोटाले गरे पश्न– प्रधानमन्त्रीको खास उमेदवार को रहेछ ?

काठमाडौं। नेकपा एमालेका नेता गोकुल प्रसाद बास्कोटाले सत्तारुढ गठबन्धनलाई दमदार प्रश्न गरेका छन्।  उनले गठबन्धन जनतासँग डराएको आरोप पनि लगाएका छन् ।  

गठबन्धन दलहरुलाई आगामी निर्वाचनको  सिट बाँडफाँट गर्न सकस परिरहेका बेला उनले यस्तो आरोप लगाएका हुन् । गठबन्धनले अहिले सम्म पनि सिट बाँडफाँटको टुंगो भने लगाउन सकेको छैन। 

‘गठबन्धनको प्रमको उमेदवार को रहेछ ? त्यति पनि जनतालाई नभन्ने हो भने यिनीहरु जनतासँग तर्सेकै हुन्,’ बास्कोटाले सामाजिक सञ्जाल ट्वीटरमा लेखेका छन् । 

‘घ्यु बेचुवा र तलवार बेचुवा राजनीतिले सके जनता झुक्याउने नसके आपसमा एकले अर्कोलाई झुक्काएर छाड्ने न हो,’ उनले भनेका छन् ।