प्रदेश सांसदसहित विवेकशीलका सात केन्द्रीय सदस्यले दिए राजीनामा

काठमाडौँ । बागमती प्रदेशसभा सदस्यसहित विवेकशील साझा पार्टीका सात जना केन्द्रीय सदस्यले राजीनामा दिएका छन् । उनीहरुले आज पार्टी कार्यालयमा सामूहिक राजीनामा दिएका हुन् ।

राजीनामा दिनेहरुमा प्रदेश संसद विराजभक्त श्रेष्ठ, केन्द्रीय सदस्य जमुना शर्मा, राज्यलक्ष्मी श्रेष्ठ, रोशनी अधिकारी, सस्मित पोखरेल, श्रीकृष्ण श्रेष्ठ र सुदन मानन्धर रहेका छन् ।  उनीहरुले विवेकशील सुसंस्कृत सहभागितामूलक राजनीति र समतामूलक समृद्धिलाई संस्थागत गर्ने प्रयासमा चुकेको आरोप लगाएका छन् । 

पार्टीले हाल अङ्गीकार गरेको नीति तथा कार्य योजना एकदमै अस्पष्ट उनीहरुको दाबी छ । नेतृत्व प्रक्रिया अपारदर्शी रहेको भन्दै उनीहरुले पार्टीले आम नागरिकको अवस्था बदल्ने राजनीतिक कार्यदिशा कार्यान्वयन गर्ने पक्षमा आफूहरु विश्वस्त नभएकाले पार्टी परित्याग गरेको बताए ।