अनधिकृत संरचना हटाउन आदेश दिँदै दरबारमार्ग पुगे मेयर बालेन 

काठमाडौं । काठमाडौं महानगरपालिका मेयर बालेन्द्र शाह (बालेन) अनधिकृत संरचना हटाउन निर्देशन दिँदै दरबारमार्ग पुगेका छन् । आज महानगरपालिका भित्रका मुख्य व्यापारिक क्षेत्रमा नक्सापास नभएको अनधिकृत संरचनामा डोजर लगाइरहेको छ । सोही क्रममा मेयर बालेन दरबारमार्ग पुगेका हुन् ।

महागरपालिकाले दरबारमार्ग भन्दा आगाडी आज बिहान काठमाडौं मल अगाडिको संरचनामा डोजर चलाएको थियो । त्यसपछि खिचापोखरी र रञ्जना गल्लीका व्यापारिक मलमा महानगरपालिकाले डोजर लगाएको थियो । त्यस लगत्तै महानगरले दरबारमार्गमा लन्डन पब र मात्सुरी टोक्यो क्याफेको सामान हटाउन थालेको छ ।

दरबारमार्गमा पुगेका मेयर बालेनले बुधबार र बिहीबारसम्म त्यस क्षेत्रका सामान हटाउन व्यापारीहरुलाई निर्देशन दिएका छन् ।