रोमानिया पठाइदिन्छु भन्दै ठगी गरेको आरोपमा एक जना पक्राउ

काठमाडौं । रोमानिया पठाइदिन्छु भन्दै  ठगी गरेको आरोपमा प्रहरीले  एक जनालाई  पक्राउ गरेको छ । पक्राउ परेका ब्यक्ति रूपन्देही सैनामैना नगरपालिका-९ घर भएका ३९ वर्षीय छविलाल भट्टराई  रहेको प्रहरीले जनाएको छ । भट्टराईलाई  आज बुधबार काठमाडौं मिनभवनबाट प्रहरीले पक्राउ गरेको हो ।

भट्टराई सिनामंगलस्थित प्रेसटिज एचआर म्यानपावर प्रालिका संचालक रहेको प्रहरीले बताएको छ ।  भट्टराईले सर्बसाधारणलाई  वैदेशिक रोजगारीको लागि रोमानियाको प्रतिष्ठितकम्पनीमा  पठाईदिने भन्दै मोटो  रकम लिई गरी फरार रहेका थिए । उनलाई थप अनुसन्धानको लागि वैदेशिक रोजगार विभाग बुद्धनगर  पठाइएको  प्रहरीले जनाएको छ  ।