गठबन्धनको औचित्य बुझाउन काँग्रेसले २२ दिने अभियान थाल्ने

काठमाडौं– मंसिरमा हुने भनिएकोको प्रतिनिधिसभा तथा प्रदेशसभा निर्वाचनलाई मध्यनजर गर्दै नेपाली कांग्रेसले २२ दिने बिशेष अभियान सञ्चालन गर्ने भएको छ ।

हालै सम्पन्न केन्द्रीय कार्यसमितिको बैठकले निर्णय गरे अनुसार आउँदो भदौ २ देखि २४ गतेसम्म राष्ट्रव्यापी रूपमा विशेष अभियान सञ्चालन गरिने कांग्रेस केनिद्य्रय कार्यालयले जनाएको छ ।

प्रदेश तथा प्रतिनिधिसभा निर्वाचनमा गठबन्धन गरेर होमिने निर्णय गरिसकेको कांग्रेसले गठबन्धनको औचित्य र कांग्रेसको आगामी रणनितिबारे घरघरमा प्गेर नागरिकलाई जानकारी दिने छ ।

कांग्रेससहित नेकपा (माओवादी केन्द्र), जनता समाजवादी पार्टी (जसपा), नेकपा (एकीकृत समाजवादी) र राष्ट्रिय जनमोर्चाले यसअघी स्थानिय निकाय निर्वाचनमा गठबन्धन गरेर चुनाव लडेका थिए । निर्वाचनमा कांग्रेस पहिलो शक्ति बनेको छ ।

गठबन्धनको बलमा प्रदेश तथा संघमा समेत आफु पहिलो शक्ति बन्ने दाउंमा रहेको कांग्रेसले गठबन्धनलाई निरन्तरता दिने निर्ण गरेको हो ।

भदौ २ गतेदेखी गर्न लागिएको अभियान निर्वाचनसँग प्रत्यक्ष जोडिएको नेताहरुले जनाएका छन् । वडादेखि प्रदेश र केन्द्रसम्मका नेतृत्वको क्रियाशीलतामा पुनः पहिलो दल बन्ने तयारीस्वरुप अभियान सञ्चालन गर्न लागिएको बुझिएको छ ।

अभियानका क्रममा कांग्रेस नेतृत्वको सरकारले एक वर्षमा गरेका कार्यहरूको प्रचार गर्ने, केपी शर्मा ओली नेतृत्वको तत्कालीन सरकारले गर्न चुकेका कामहरू र दुईपटक विघटन गरेको संसद्को विषय लिएर पुनः जनतामाझ जाने तयारी गरिएको छ ।