पेट्रोलियम पदार्थको मूल्य घटेपछि घट्यो सार्वजनिक यातायातको भाडा

काठमाडौं । सरकारले कर कटौती गरेर पेट्रोलियम पदार्थको मूल्य घटाएसँगै सार्वजनिक यातायातको भाडादर पनि घटाइएको छ ।नेपाल सरकारले करमा कटोती गर्दै हिजो (शनिबार) राती १२ बजेदेखि लागू हुने गरेर पेट्रोलियम पदार्थको मूल्य घटाइएसँगै सार्वजनिक यातायातको भाडादर पनि घटाइएको हो ।

आज (आइतवार) यातायात व्यवस्था विभागले अन्तरप्रदेश चल्ने यात्रीवाहक र मालवाहक सवारीसाधनको भाडादर घटाएको हो ।यात्रीवाहक सवारीमा ५।४१, पहाडी बाटोमा सञ्चालन हुने मालवाहक सवारीमा ६।९७ र तराईको बाटोमा सञ्चालन हुने मालवाहक सवारीमा ७।६८ प्रतिशतले भाडा घटाइएको यातायात व्यवस्था विभागले जनाएको छ ।सरकारले डिजेल र मट्टितेलमा २८ रुपैयाँ र पेट्रोलमा २० रुपैयाँ कर कटौती गरेको थियो ।

यस्तो छ नयाँ भाडा दर