गठबन्धन बैठक सकिए लगत्तै भारतीय दूतावास पुगे शीर्षनेता

काठमाडौं । सत्ता गठबन्धनका शीर्षनेताहरु भारतीय राजदूतावास पुगेका छन् । 

मंगलबार साँझ गठबन्धनको बैठक सकिएसँगै प्रधानमन्त्री समेत रहेका कांग्रेस सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल ुप्रचण्डु र एकीकृत समाजवादीका अध्यक्ष माधवकुमार नेपाल लैनचौरस्थित भारतीय दूतावास पुगेका हुन् । 

भारतीय राजदूत विनयमोहन क्वात्राले आयोजना गरेको बिदाई भोजमा प्रधानमन्त्री देउवासहितका सत्तारुढ दलका नेताहरुका अतिरिक्त एमालेका उपाध्यक्ष सुवास नेम्वाङ पनि सहभागी भएका छन् । क्वात्रा भारतीय विदेश मन्त्रालयको सचिव नियुक्त भइसकेका छन् ।

राजदूत क्वात्राको बिदाई भोजमा मन्त्रीहरु पनि गएका थिए । माओवादी केन्द्रका नेता बर्षमान पुन पनि दूताबासको बिदाइ भोजमा देखिएका छन् ।