आजको बैठकबाट पनि प्रधानममन्त्री ओली हिंडे

काठमाडौं । नेपाल कम्युनिस्ट पार्टी (नेकपा) तेस्रो दिनको बैठक सुरु भएकोे छ । आजको बैठकमा पनि प्रधानमन्त्री तथा पार्टी अध्यक्ष केपी शर्मा ओली केहीबेर बसेर हिंडेका छन् । ओलीलाई सहज होस् भनेर प्रधानमन्त्रीको सरकारी निवास बालुवाटरमा राखिएको स्थायी समिति बैठकमा शुक्रबार पनि उनी उपस्थित भएनन् । शुक्रबारबो बैठकमा कार्यब्यस्तता देखाउँदै महासचिवमार्फत् अनुपस्थित हुने सन्देश पठाएका थिए । शनिबार उनी एकै छिन बैठकमा सहभागी भएर निस्किएका छन् ।

स्थायी समिति बैठकमा प्रधानमन्त्री ओलीले राजीनामा दिनुपर्ने बिषयमा कुरा उठ्ने भएपछि उनी अनुपस्थित भएको अड्कलबाजी पनि नेकपा बृत्तमा गरिएको छ । शुक्रबारको स्थायी समिति बैठकमा सीमा सम्बन्धी एजेन्डामा १८ सदस्यले बोलेका थिए । बोल्नेक्रममा सबैले नेपाल–भारत सीमा सिल गरी तारबार लाउनुपर्ने कुरा उठाएका थिए ।
स्थायी समितकिो बुधबारको बैठकले सातवटा एजेण्डामा छलफल गर्न कार्यसूची तय गरेको थियो ।

पहिलो दिनको बैठक अध्यक्षद्वय केपी शर्मा ओली र पुष्पकमल दाहाल प्रचण्डले मन्तव्य राखेर स्थगित भएको थियो । पहिलो दिनको बैठकमै अध्यक्षद्वयले एकअर्कालाई घोचपेच गरेका थिए । प्रधानमन्त्री ओलीले सरकारले राम्रा काम गरेको तर पार्टीले बिरोध गरेकोमा असन्तुष्टी प्रकट गरेका थिए भने प्रचण्डले सरकार संचालन गर्ने तौरतरिकाको आलोचना गर्दै यस्तै भए पार्टी दुर्घटनामा पर्ने बताएका थिए ।