एमाले पार्टी पाकेटमारको कब्जामा गयोः मन्त्री आले

कञ्चनपुर । संस्कृति, पर्यटन तथा नागरिक उड्डयन मन्त्री प्रेम आलेले एमालेलाई पाकेटमारहरुको पार्टीको संज्ञा दिएका छन् । उनले अध्यक्ष केपी शर्मा ओलीतर्फ संकेत गर्दै भने–एमाले पार्टी पकेटमारले कब्जा गरेका छन् ।

बिहीबार कञ्चनपुरमा आयोजित नेकपा (एकीकृत समाजवादी) को विस्तारित बैठकमा सम्बोधन गर्दै आलेले भने–‘माधव कमरेडले बनाएको घरमा पकेटमार छिरेको छ । एउटा पकेटमारका कारणले कम्युनिष्ट आन्दोलन धरासायी अवस्थामा पुगेको छ ।’

उनले केपी ओलीको पार्टीलाई सुदूरपश्चिममा जिरो डिग्री सेल्सियसमा पु¥याउने बताए । उनले भने–‘केपी ओलीको पार्टीलाई सुदूरपश्चिममा जिरो डिग्री सेल्सियसमा पुर्याउनेछौं । त्यसपछि उहाँले आफ्नो नाम गिनीज बुकमा लेख्नुहुन्छ ।’
मन्त्री आलेले सुदूरपश्चिमको पर्यटन प्रवद्र्धनका लागि वर्तमान सरकार सक्रिय भएर लागेको बताए । मन्त्री आलेले अबको दुई वर्षभित्र महेन्द्रनगरको मझगाउँ विमानस्थल सञ्चालन गर्ने बताएका छन् ।