मुखमा कम्युनिष्ट मनमा ठोरीवाला राम भन्दै बाबुरामले शेयर गरे ओलीको गिनिज बुक रेकर्ड

काठमाडौं । जनता समाजवादी पार्टी (जसपा) नेपालका संघीय परिषद् अध्यक्ष एवं पूर्वप्रधानमन्त्री डा. बाबुराम भट्टराईले नेकपा (एमाले) का अध्यक्ष केपी शर्मा ओलीका गिनिज बुक रेकर्ड साझा गरेका छन् । 

बुधबार मात्रै ओलीले गिनिज बुक आधा त आफूहरुले गरेको कामले भरिने अभिव्यक्ति दिएपछि बाबुरामले व्यंग्यात्मक रुपमा चित्रण गर्दै ओलीका गिनिज बुक रेकर्ड साझा गरेका हुन्। 

पूर्वप्रधानमन्त्री भट्टराईले सामाजिक सञ्जालमार्फत् ओलीका गिनिज बुक भन्दै पाँच वटा बुँदा उल्लेख गरेका छन् ।

उनले ट्वीटरमा लेखेका छन्-“ओलीको गिनिज बूक रेकर्ड- १. २/२पटक असंवैधिक ढंगले संसद विघटन र अदालतबाट पुनर्स्थापना; २.संघमा२/३बहुमतको सरकार र ६वटा प्रदेश सरकार गुमाएर सडकमा ३.सरकारी निवासमा विदेशी गुप्तचरसंग घण्टौं कानेखुसी ४.मुखमा कम्युनिष्ट मनमा ठोरीवाला राम ५.हावादारी गफ र उखान टुक्कामा ताली लाउने अरिंगाल सेना !”

ओलीको गिनिज बूक रेकर्ड=१.२/२पटक असंवैधिक ढंगले संसद विघटन र अदालतबाट पुनर्स्थापना;२.संघमा२/३बहुमतको सरकार र ६वटा प्रदेश सरकार गुमाएर सडकमा;३.सरकारी निवासमा विदेशी गुप्तचरसंग घण्टौं कानेखुसी;४.मुखमा कम्युनिष्ट मनमा ठोरीवाला राम;५.हावादारी गफ र उखानटुक्कामा ताली लाउने अरिंगाल सेना! https://t.co/Kz1zJUHxBx

— Baburam Bhattarai (@brb1954) October 21, 2021