बागमतीमा काँग्रेस र एकीकृत समाजवादीले आधा-आधा समय सरकारको नेतृत्व गर्ने

हेटाैंडा । एमाले नेतृ तथा मुख्यमन्त्री अष्टलक्ष्मी शाक्यले विश्वासको मत नपाउने निश्चित भएपछि बागमती प्रदेशमा नेपाली काँग्रेस र नेकपा एकीकृत समाजवादीले आधा–आधा समय सरकारको नेतृत्व गर्ने  भएका छन् ।

मुख्यमन्त्री अष्टलक्ष्मी शाक्यले आज प्रदेशसभामा विश्वासको मत लिन राखेको प्रस्तावमाथि प्रक्रिया सुरु हुँदैगर्दा काँग्रेस र एकीकृत समाजवादीबीच यस्ताे सहमति भएकाे हाे ।

 एमाले नेतृ तथा मुख्यमन्त्री शाक्यले विश्वासको मत नपाउने लगभग निश्चित छ ।

गठबन्धनको शीर्ष नेतृत्व तहमा भएको छलफल र सहमतिअनुसार पहिलो आधा कार्यकाल एकीकृत समाजवादीका राजेन्द्र पाण्डे र आधा काँग्रेसको इन्द्र बानियाँ सरकारको नेतृत्व गर्दै मुख्यमन्त्री बन्नेछन् ।