सिटौला समूहबाट उमाकान्त मन्त्री बन्ने, पौडेल समूहले अझै टुंग्याउन सकेन

काठमाडौं ।  मन्त्रालय भागबण्डामा कुरा मिलेपछि सत्ता गठबन्धनले बिहीबारसम्म मन्त्रिपरिषद् विस्तारको तयारी गरेकाे छ । भागबण्डामा कांग्रेसले आठवटा मन्त्रालय पाएकाे छ ।

त्यसमध्ये कांग्रेस संस्थापन समूहबाट तीन मन्त्री र एक राज्यमन्त्री चयन भइसकेका छन् । बाँकी चार मन्त्रीमध्ये तीन मन्त्रालय संस्थापन इतर समूहले  पाउने भएका छन् ।

पौडेल समूहको भागमा दुईवटा मन्त्रालय परेका छन् । भने एक मन्त्रालय पूर्वमहामन्त्री कृष्णप्रसाद सिटौला समूहलले पाएकाे छ ।

यस्तै, एउटा मन्त्रालय कांग्रेस सभापति एवं प्रधानमन्त्री शेरबहादुर देउवाले आफ्नो समूहसँग राख्ने भएका छन् ।

सिटौला समूहबाट मन्त्रीका लागि उमाकान्त चौधरीको नाम सिफारिस भएको जनाइएको छ । सिटौला समूहले आफ्नो समूहबाट आलोपालो मन्त्री बनाउँदै आएका छन् ।

दुई मन्त्रालयमा कसलाई पठाउने भन्नेबारे छलफल गर्न पौडेल समूहको भने बैठक बस्दैछ ।

पौडेल समूहमा मन्त्रीका लागि केन्द्रीय सदस्यहरु सुजाता कोइराला, डा. मिनेन्द्र रिजाल, दिलेन्द्रप्रसाद बडु, तेजुलाल चौधरी र राजन केसीको नाम चर्चामा छ ।