अमेरिका जान परराष्ट्रमन्त्री बने नारायण खड्का, आजै न्यूयोर्क जाने

काठमाडाैं । प्रधानमन्त्री शेरबहादुर देउवाले डा.नारायण खड्कालाई परराष्ट्रमन्त्रीमा नियुक्त गरेका छन् ।

खड्का परराष्ट्रमन्त्रीमा नियुक्त भएको जानकारीसहितको पत्र राष्ट्रपति समक्ष पठाइसकिएको प्रधानमन्त्री शेरबहादुर देउवाको सचिवालयले जनाएको छ । 

राष्ट्रपति विद्यादेवी भण्डारीले खड्कालाई मन्त्री पदको शपथ ग्रहण गराएपछि आजै कार्यभार सम्हालेर मन्त्री खड्का संयुक्त राष्ट्रसंघको ७६ औं महासभामा भाग लिन न्यूयोर्क प्रस्थान गर्दैछन् । 

कांग्रेसमा परराष्ट्र विभाग हेर्दै आएका खड्का संयुक्त राष्ट्रसंघको ७६ औं महासभामा भाग लिन त्यसतर्फ जान लागेका हुन् । 

मंगलबार बसेको गठबन्धनको बैठकले परराष्ट्रमन्त्रीविहिन अवस्थामा रहँदा अन्तर्राष्ट्रिय स्तरमा मुलकको छबिमाथि नै प्रश्न उठन थालेको भन्दै पहिले परराष्ट्रमन्त्रीको टुंगो लगाउने निर्णय गरेको थियो ।