माधब नेपाललाई श्रेष्ठकाे व्यङ्ग्य: एमालेबाट काँसका टुक्राहरू छुट्टिएर गए, अब हिरा र सुन मात्रै बाकीँ छ

काठमाडौं । नेकपा एमालेका कृष्णगोपाल श्रेष्ठले एमालेमा अब हिरा र सुन मात्रै बाकीँ रहेको बताएका छन् ।

बिहिबार काठमाडौंमा आयोजित कार्यकर्ता भेलामा बोल्दै नेता श्रेष्ठले काँसका टुक्राहरू छुट्टिएर गएपछि एमालेमा हिरा र सुन मात्रै बाकीँ रहेको बताएका हुन् ।

एमालेबाट छुट्टिएर नयाँ पार्टी खोलेका माधवकुमार नेपाल तर्फ संकेत गर्दै नेता श्रेष्ठले काँसका टुक्राहरू छुट्टिएर जाँदैमा पार्टीलाई केही फरक नपर्ने समेत बताए ।  

उनले भने – ‘नेकपा एमाले काँसका टुक्राजस्तो होइन, हिरा हो । त्यसका लागि राजनीतिक, वैचारिक सैद्धान्तिक रुपमा प्रस्ट हुनुपर्छ एमाले त्यो गुण हो’ उनले थपे – ‘सुन र पित्तल छुट्याउन सक्नुपर्छ । एमाले सुनको पार्टी हो, एमालेमा हिरा र सुन मात्रै बाँकी छ ।’