सांसदलाई ओलीको निर्देशन: मर्यादा पालना गर्नुस्, फाल्तु नारा नलगाउनुस्

काठमाडाैं । प्रमुख प्रतिपक्षी नेकपा एमाले संसदीय दलका नेता तथा अध्यक्ष केपी शर्मा ओलीले संसदभित्र संसदीय मान्यतामा रहेर अवरोध जारी राख्न सांसदहरुलाई निर्देशन दिएका छन् । 

आइतबार संसदीय दलको बैठकलाई सम्बोधन गर्दै ओलीले वेल घेर्न र नारा लगाउने काम नै प्रभावकारी हुने हुँदा मर्यादापालकले स्थान नै दिएनन् भने फरक कुरा नभए चर्का नारा पनि नलगाउन निर्देशन दिएका हुन् । 

आफूहरुले मर्यादापालकको घेरा तोड्न नखोजेको बताउँदै उनले भने ,‘संसदीय मर्यादाभित्र फाल्तु नारा नलगाऔं, ‘मर्यादा पालना गरौं ।’

‘माइक हान्ने योजनाका बारे कतिपय साथीहरुले बोलेको कुरा पनि सुनें । त्यस्तो कुरा मिडियामा बोल्नु हुँदैन । काँध चढेर माथि नजानुहोला,’ उनले भने ।