सत्ता गठबन्धनको बैठक निर्णय विहीन, मन्त्रिमण्डल विस्तारबारे अझै अन्योल

काठमाडाैं ।  सत्ता गठबन्धनका शीर्ष नेताहरुको आइतबारकाे बैठक पनि निर्णय विहीन भएको छ ।

मन्त्रिपरिषद विस्तार गर्न बसेको सत्ता साझेदार पाँच दलको बैठक निष्कर्ष विहीन भएको हो ।

आइतबार बिहान प्रधानमन्त्रीको सरकारी निवास बालुवाटारमा बसेकाे बैठकमा सरकार विस्तारबारे छलफल भएपनि ठोस सहमति जुट्न नसक्दा मन्त्रिपरिषद विस्तार अझै केही दिन नहुने भएको छ ।

सत्तारूढ गठबन्धनबीच मन्त्रालय भागबन्डामा कुरा नमिल्दा सरकार गठन भएको दुई महिना पुग्दा पनि प्रधानमन्त्री शेरबहादुर देउवाले मन्त्रिपरिषद् विस्तार गर्न सकिरहेका छैनन् ।

शुक्रबार बसेको बैठकमा प्रधानमन्त्री देउवाले गठबन्धनका शीर्ष नेताहरूलाई आफ्नो दलबाट मन्त्रीहरूको नाम दिन भनेका थिए ।