एमालेको प्रवक्तामा योगेश भट्टराईको कमब्याक

काठमाडाैं । लामाे समय देखि पार्टीकाे स्थायी कमिटी बैठकमा समेत उपस्थित नभएका योगेश भट्टराईले पून: एमालेमा कमब्याक गरेका छन् ।

मंगलबार च्यासलमा बसेको एमाले स्थायी समिति बैठकले पार्टीका संरचना २ जेठ ०७५ कै अवस्थामा ब्यूँताउने सहमति गरेपछि उनी एमालेमै फर्किएका हुन् ।

आठ महिनापछि एमालेमै फर्किएका भट्टराईले बुधबारदेखि औपचारिक रूपमा प्रवक्ताको जिम्मेवारी सम्हालेका छन् । एमाले र माओवादी केन्द्रबीच पार्टी एकता हुनुअघि २०७५ जेठ २ गतेसम्म पनि उनी पार्टी प्रवक्ताकै जिम्मेवारीमा थिए । 

बुधबार आयोजित पत्रकार सम्मेलनमा उनले प्रवक्ताका रुपमा जिम्मेवारी सम्हालेर पार्टी २ जेठ ०७५ कै अवस्थामा पुगेको सन्देश दिएका छन् ।