पार्टीको नाम लोसपा राख्ने कि लोजपा राख्ने भन्ने बिषयमा छलफल गर्दै ठाकुर समूह

काठमाडौं । जनता समाजवादी पार्टी नेपालबाट अलगिएर नयाँ पार्टी खाेलेका नेता महन्थ ठाकुर आफ्नाे समूहका नेताहरूसँग आन्तरिक छलफलमा जुटेका छन् । 

सर्वोच्च अदालतको २३ फागुनको फैसलाअनुसार एउटा पार्टीको नाममा विशेषण झुण्ड्याएर अर्को दल दर्ता गर्न नमिल्ने भएपछि दल दर्ताका लागि पुनः निवेदन दिँदा के नाम राख्ने भन्ने बिषयमा छलफल सुरु भएको एक नेताले बताए । 

 एक नेताका अनुसार ‘लोकतान्त्रिक समाजवादी पार्टी (लोसपा) राख्ने कि लोकतान्त्रिक जनता पार्टी (लोजपा) राख्ने भनेर छलफल नेताहरूबीच छलफल हुँदैछ । 

नेता महन्थले आफ्नो नेतृत्वमा  जनता समाजवादी पार्टी, नेपाल (लोकतान्त्रिक) दर्ताका लागि बुधबार निवेदन दिएका थिए । तर, राजनीतिक दलसम्बन्धी अध्यादेशअनुसार नियमावली बिहीबार मात्र आएकाले शुक्रबार फेरि निवेदन दिने तयारी छ ।

जनता समाजवादी पार्टी (जसपा)को आधिकारिकता उपेन्द्र यादव समूहले पाएपछि दलविहीन बनेकाे ठाकुर पक्षले सरकारले संसदीय दल वा केन्द्रीय समितिमा २० प्रतिशत पुर्याएर दल दर्ता गर्नसक्ने गरी राजनीतिक दलसम्बन्धी अध्यादेश ल्याएपछि  बुधबार जसपा लोकतान्त्रिक दर्ताका लागि निवेदन दियो ।