सभामुख सापकोटालाई ओलीको धम्की : सभामुख हुनु छ कि छैन ?

काठमाडाैं । नेकपा (एमाले)का अध्यक्ष केपी शर्मा ओलीले सभामुख अग्निप्रसाद सापकोटालाई धम्की दिएका छन् । उनले सापकोटालाई निष्पक्ष भुमिका निर्वाह गर्न नसकेको आराेप लगाउँदै गम्भिर प्रश्न उठाएका छन् ।

बिहीबार नेपाल न्यूज एजेन्सीसँग कुरा गर्दै अध्यक्ष ओलीले  सभामुख सापकोटालाई आफैं माओवादी कार्यकर्ताजस्तो बनेर र न्यायाधीशजस्तो बनेर निष्पक्ष भुमिका निर्वाह गर्न नसकेको आराेप लगाएकाद हुन् ।

ओलीले भने- ‘अग्नि सापकोटाजीलाई म सोध्न चाहान्छु– संसद चलाउनु छ कि छैन ? गैरकानुनी ढंगले, मनमौजी ढंगले संसद चल्न सक्दैन । उहाँलाई सभामुख हुनुछ कि छैन ? एउटा पार्टी कार्यकर्ताको भूमिकामा रहेर सभामुख हुन सकिँदैन ।’ 

उनले सभामुख न्यायाधीश नहुने भन्दै ‘कुनै पार्टीले कसैलाई निकाल्छ कि निकाल्दैन, निकाल्नु उपयुक्त छ कि छैन ? सभामुख निष्पक्ष हुनुपर्ने बताए ।