सांसद चौधरी भन्छन्: पार्टी विभाजनकाे अन्तिम तयारीमा छाैं, आज भोलि नै दल विभाजनसम्बन्धी अध्यादेश आउँछ

काठमाडाैं । नेकपा (एमाले) का नेता तथा सांसद मेटमणि चौधरीले आफूहरु एमाले विभाजन गर्ने अन्तिम तयारीमा जुटेको स्पष्ट पारेका छन् ।

मंगलबार पत्रकारहरुसँगकाे कुराकानीमा उनले आफूहरु एमाले विभाजन गर्ने अन्तिम तयारीमा रहेकाे बताउँदै आज भोलि नै राजनीतिक दल विभाजनसम्बन्धी अध्यादेश ल्याउन लागेको पनि जानकारी दिए ।

चौधरीका अनुसार नेपाल पक्षधर २० प्रतिशत केन्द्रीय सदस्यहरुले उक्त दल बिभाजनसम्बन्धी अध्यादेशमा हस्ताक्षर गरिसकेका छन् । अब आउने अध्यादेशमा दल विभाजनको लागि केन्द्रीय कमिटी वा संसदीय दलमा २० प्रतिशत भए पुग्ने व्यवस्था गरिने उनको भनाइ छ।

यही हप्ता सोमप्रसाद पाण्डेको नेतृत्वमा आफूहरु सरकारमा सहभागी हुने समेत उनले जानकारी दिएका छन्  ।