आजै राति १२ बजेबाट संसद अधिवेशन अन्त्य हुने, दल विभाजन सम्बन्धी अध्यादेश ल्याउने तयारी

काठमाडौं । सर्वोच्च अदालतको परमादेशबाट पुनस्र्थापित प्रतिनिधिसभाको अधिवेशन आजै रातिदेखि अन्त्य हुने भएको छ । सोमबार बसेको मन्त्रिपरिषद बैठकले संसद अधिवेशन अन्त्यका लागि सिफारिस गरेको छ । मन्त्रिपरिषदले सोमबार राति १२ बजेदेखि लागू हुने गरी संसद अधिवेशन अन्त्यका लागि राष्ट्रपतिसमक्ष सिफारिस गरेको छ ।

दोस्रो पटक पुनस्र्थापना भएको प्रतिनिधिसभालाई सरकारले आवश्यक बिजनेश नै दिएको थिएन । बिजनेश नभएकाले प्रतिनिधिसभा प्रभावकारी हुन नसकेको आवाज सांसदहरुले नै उठाउँदैआएको परिप्रेक्ष्यमा सरकारले आजैदेखि अधिवेशन अन्त्य गर्ने भएको छ ।

संसद अधिवेशन अन्त्य गरेर केही अध्यादेश ल्याउने तयारीमा सरकार रहेको छ । राजनीतिक दलसम्बन्धी ऐन संशोधनको अध्यादेश ल्याउने र एमाले फुटाउने खेल भइरहेको छ ।  

दलविभाजन सम्ब्न्धी ऐनमा संसदीय दल र केन्द्रीय कमिटी दुवैतिर ४० प्रतिशत पुरयाउनुपर्ने दफामा संशोधन गर्न लागिएको स्रोतले बताएको छ ।