एजेन्सी । कोरोना भाइरस विरुद्धको खोप निर्यातमा भारतले प्रतिबन्ध लगाएका कारण ९१ देश जोखिममा परेको विश्व स्वास्थ्य संगठन (डब्ल्यूएचओ)ले जनाएको छ ।
भारतले खोप निर्यातमा लगाएको प्रतिबन्धका कारण विश्वका यी मुलुकमा कोरोनाको नयाँ भेरियन्ट फैलिने जोखिम रहेको छ ।
भेरियन्टहरुलाई पहिचान गर्नुभन्दा पहिला नै यो विश्वभर फैलिसकेको हुन्छ । गत वर्ष सेरम इन्स्टिच्युटले एस्ट्राजेनेकासँग सम्झौता गर्दा कम तथा मध्यम आय भएका मुलुकमा एक अर्ब डोज खोप आपूर्ति गर्ने जनाएको थियो ।
२०२० भित्रै ४० करोड डोज खोप आपूर्ति गर्ने कम्पनीले उल्लेख गरेको थियो । ‘अधिकांश अफ्रिकी मुलुकमा ० दशमलव ५ प्रतिशतभन्दा कमले मात्र खोप पाएका छन् ।
भारतले मुलुकमा कोरोनाको दोस्रो लहर फैलिएसँगै कोरोना खोपको निर्यातमा रोक लगाउने निर्णय गरेको हो । भारतले प्रतिबन्ध लगाएपछि धेरै देशमा खोपको अभाव भएको हो ।