काठमाडौँ । उत्तरपुस्तिका सच्याएको भन्दै लोकसेवा आयोग केन्द्रीय कार्यालयका तत्कालीन शाखा अधिकृत मिमबहादुर शाहीविरुद्ध विशेष अदालतमा भ्रष्टाचारकाे मुद्दा दायर भएकाे छ ।
शाहीले छोरीलाई परीक्षामा सफल गराउने नियत राखी नेपाल वायु सेवा निगमतर्फको सहायक चौथो तहको परीक्षाको उत्तरपुस्तिका सच्याएको आराेप लगाउँदै अख्तियार दरुपयोग अनुसन्धान आयोगले मुद्दा दायर गरेकाे हाे ।
उक्त कार्य भ्रष्टाचार निवारण ऐन, २०५९ को दफा ११ बमोजिमको कसुरजन्य भएको भन्दै आयोग ऐन, २०४८ को दफा १८ र ३५(१) बमोजिम बुधबार विशेष अदालतमा उनीविरूद्ध मुद्दा दायर गरेको स्राेतले बताएकाे छ ।
