सानो समूहले आफैंलाई राज्य ठान्दैछ : गगन थापा

काठमाडौँ। विपक्षी दल कांग्रेसका सभापति गगन थापाले सरकार पछिल्लो गतिविधिमाथि प्रश्न उठाउँदै केही सानो समूहले आफैं राज्यको रुपमा प्रस्तुत हुन थालेको बताएका छन् ।

उनले सरकारमा बसेका व्यक्तिहरूले आफ्नो इच्छालाई नै कानुन ठान्ने प्रवृत्ति देखिएको भन्दै शक्तिको स्वेच्छाचारी प्रयोगप्रति चिन्ता व्यक्त गरेका हुन्।

पार्टी कार्यालयमा आइतबार पत्रकार सम्मेलन गर्दै उनले सरकारका पछिल्ला गतिविधिमाथि धारणा राखेका हुन् ।

पत्रकारहरूमाथि धरपकड प्रहरीको वक्तव्य, त्यसअघि भएका पक्राउ र त्यससँग जोडिएका घटनाबारे धारणा राख्दै थापाले यो विषय केही व्यक्ति पक्राउ परेर छुटेको घटनासँगै समाप्त नहुने बताए।

उनका अनुसार प्रहरीका पछिल्ला गतिविधिले सरकारको अधिकार प्रयोग गर्ने शैलीमाथि प्रश्न उठाएको छ।