कांग्रेस महाधिवेशन : विश्वप्रकाश वरिष्ठ उपसभापति र पुष्पा भूसाल महिला उपसभापतिमा निर्विरोध निर्वाचित

काठमाडौं । नेपाली कांग्रेसको १५ औँ महाधिवेशनअन्तर्गत मंगलबार भएको मनोनयनमा विश्वप्रकाश शर्मा र पुष्पा भुसाल निर्विरोध निर्वाचित भएका छन् ।

शर्मा बरिष्ठ उपसभापति र भूसाल उपसभापति(महिला) निर्बिरोध निर्वाचित भएका हुन् ।

कांग्रेसको १५ औँ महाधिवेशनअन्तर्गत मंगलबार साँझ ७ बजेसम्म उम्मेदवारी दर्ताको समय तोकिएको थियो ।

निर्धारित समयभित्र वरिष्ठ उपसभापतिमा शर्मा र महिला उपसभापतिमा पुष्पा भूसालको मात्रै उम्मेदवारी परेपछि उनीहरु निर्विरोध निर्वाचित भएका हुन् ।

उनीहरू दुवैजना गत वर्षको पुस अन्तिममा भएको विशेष महाधिवेशनबाट पनि उपसभापतिमा निर्वाचित भएका थिए ।

यसपटक कांग्रेसले वरिष्ठ उपसभापति र महिला उपसभापतिको व्यवस्था गरेपछि शर्मा वरिष्ठ तथा भुसाल महिलातर्फ उपसभापतिमा निर्विरोध भएका हुन् ।