हर्क साम्पाङको आह्वान : विवादित फिल्म लालीबजारको प्रदर्शन रोक्नुपर्छ

काठमाडौं । श्रम संस्कृति पार्टीका अध्यक्ष हर्क साम्पाङले चलचित्र लालीबजार रोक्नुपर्ने बताएका छन् । अध्यक्ष साम्पाङले सामाजिक संजालमै लालीबजार रोक्नुपर्ने बताएका छन् ।

उनले लेखेका छन्–लालीबजार नामक विवादित फिल्म रोक्नुपर्छ है ! त्यो फिल्मले सामाजिक अपमान गरेको भन्ने आको छ !

रविन्द्रसिंह बानियाँ निर्माता तथा कलाकार प्रदीप भट्टराई निर्देशक रहेको लालीबजार चलचित्र प्रदर्शन रोक्न माग गर्दै सर्वोच्च अदालतमा दायर रिटमाथि सुनुवाई गर्दै विपक्षीलाई छलफलमा झिकाउन आदेश दिएको छ ।

न्यायाधीशद्धय कुमार रेग्मी र नृपध्वज निरौलाको संयुक्त इजलासमा यो मुद्दामाथि सुनुवाई भएको थियो । फिल्मले वादी समुदायलाई गलत चित्रण गरेको दाबीसहित प्रदर्शन रोक्न माग गर्दै अभियन्ता रोशनी नेपालीले मुद्दा हालेकी थिइन् ।

यसअघि उच्च अदालत पाटनले लालीबजार चलचित्र रोक्न माग गर्दै दायर भएको रिट खारेज गरेको थियो । उच्च अदालतले रिट खारेज गरी चलचित्र प्रदर्शनको बाटो खुल्ला गरेपछि अभियन्ता नेपाली सर्वोच्च अदालतमा न्याय माग्न पुगेकी थिइन् । फिल्मले वादी समुदायलाई गलत चित्रण गरेको दाबी गरिएको छ ।

लालीबजार प्रदर्शनमा रोक लगाउन माग गर्दै उच्च अदालतमा रिट दायर भएपछि कलाकारहरु प्रदर्शनमा उत्रिएका थिए । लालीबजारकी नायिका स्वस्तिमा खड्का हुन् ।