प्रधानमन्त्री बालेन्द्रलाई गालीगलौज गरेर भिडियो बनाउने युट्युबर पोखरेल पक्राउ

काठमाडौं । विगतमा सामाजिक संजाल लगायतका बिभिन्न मञ्चमा प्रश्न गर्न पाउनुपर्ने र बोल्न पाउनुपर्ने माग राख्ने राष्ट्रिय स्वतन्त्र पार्टीको नेतृत्वको सरकारले बोलेकै र प्रश्न गरेकै आधारमा युटुबर रोशन पोखरेललाई पक्राउ गरेको छ । पाँचथरको फाल्गुनन्द गाउँपालिका–७ घर भएका युटुवर पोखरेललाई प्रधानमन्त्री वालेन्द्र शाहविरुद्ध अपशब्द प्रयोग गरी अपमानजनक सामाग्री बनाएको आरोप लगाइएको छ ।

सरकारमा गएपछि प्रश्न सुन्न नचाहने प्रबृत्ति रास्वपामा पनि देखापरेको टिकाटिप्पणी भइरहेको छ । विगतमा ‘सिंहदरबार जलाइदिन्छु’, ‘टुकुचामा गाडिदिन्छु’, मध्यरातमा फलाना पार्टी…. भनेर मध्यरातमा सामाजिक संजालमा लेख्नेहरुको आलोचना गरी एक महिनाअघि बोलेको भिडियोकै आधारमा पोखरेललाई प्रहरीले पक्राउ गरिएको बताइएको छ । पोखरेलले उक्त भिडियो युटुबबाट हटाइ सके पनि उनलाई प्रहरीले नियन्त्रणमा लिएको छ ।

‘एचएडीएस’ नामक युटुब च्यानल चलाउने पोखरेललाई साइबर ब्यूरोको अनुसन्धानका आधारमा पक्राउ गरी अनुसन्धान अघि बढाएको प्रहरीले जानकारी दिएको छ । उनले उक्त भिडिओ च्यानलबाट हटाए पनि साइबर अपराधमा मुद्दा चलाउने तयारी गरिएको छ ।