फेवाताल अतिक्रमण गरी निर्माण भएको कर्ण शाक्यको होटल वाटर फ्रन्टमा डोजर चल्यो

पोखरा । फेवाताल अतिक्रमण गरी निर्माण गरिएको चर्चित पर्यटन व्यवसायी कर्ण शाक्यको होटल वाटर फ्रन्टमा पनि गृहमन्त्रालयको निर्देशनमा डोजर चलाएको छ ।

शनिबार बिहानै वाटर फ्रन्ट होटलको स्विमिङ पुल, गेटमा प्रहरीले डोजर चलाएको हो । गृहमन्त्रालयको निर्देशन बमोजिम शनिबार विहानै प्रहरी र स्थानीय सरकारसँग मिलेर डोजर अपरेसन सुरु गरेको छ ।

उक्त होटल हटाउन सर्वोच्च अदालतले पनि आदेश दिइसकेको थियो । प्रहरीले होटलको अरु संरचना भने चलाएको छैन ।

शाक्यको होटल फेवाताल किनारबाट ६५ मिटरभित्र परेका कारण भत्काइएको जिल्ला प्रहरी कार्यालय कास्कीले जनाएको छ । फेवाताल किनारमा रहेका खपौंदी, सेदी लगायत क्षेत्रमा डोजर चलाइएको छ ।