दलाई लामाका प्रमुख प्रशासक छिरिङले दिए प्रधानमन्त्री बालेन्द्रलाई बधाइ

काठमाडौं ।  बालेन्द्र शाह नेपालको प्रधानमन्त्री नियुक्त भएकोमा भारत, चीन, पाकिस्तानदेखि बिभिन्न देशका सरकार प्रमुखहरुले बधाइ सन्देश पठाइसकेका छन् । भारतीय प्रधानमन्त्री नरेन्द्र मोदीले सामाजिक संजाल ट्वीटरबाटै बधाइ दिएका थिए ।

यसैक्रममा दलाई लामाका दूत तिब्बती निर्वासित सरकारका प्रमुख प्रशासक सिक्योंग पेन्पा छिरिङले नेपालमा नवनिर्वाचित प्रधानमन्त्री बालेन्द्र शाहलाई बधाई तथा शुभकामना दिएका छन् । केन्द्रीय तिब्बती प्रशासन र तिब्बती जनताको तर्फबाट उनले बधाई सन्देश पठाएका हुन् ।

लाई लामाको भारतस्थित धर्मशालाबाट केन्द्रीय तिब्बती प्रशासनका प्रमुख छिरिङले बधाइ दिएका हुन् । उनले बधाइ सन्देशमा लेखेका छन्–‘हालैको जेन–जी नेतृत्वको आन्दोलनपछि तपाईं नेपालको कान्छा प्रधानमन्त्रीका रूपमा उदय हुनु नेपाली जनताको, विशेष गरी युवापुस्ताको आकांक्षाको शक्तिशाली प्रतीक हो ।’

नेपाल र तिब्बतबीच गहिरो ऐतिहासिक र आध्यात्मिक सम्बन्ध पुस्तौँदेखि कायम रहेको उल्लेख गर्दै नेपालमा बस्दै आएका तिब्बती शरणार्थीलाई तिब्बती समुदाय भनेका छन् ।

नेपाल र चीन बीचको असल सम्बन्ध, एक चीन नीतिप्रतिको अटल विश्वासमा आँच आउनेगरी दलाइ लामाका मुख्य प्रशासक छिरिङले तिब्बती भूभाग जबर्जस्ती अधिग्रहण गरिएको आरोप लगाएका छन् ।

चुनाव गराउन गठित नागरिक सरकारकी प्रधानमन्त्री सुशीला कार्कीलाई दलाई लामाले नै शुभकामना दिएका जिए । जबकि नेपालले तिब्बतलाई चीनको अविभाज्य र सार्वभौम भूभागको रूपमा मान्यता दिँदै आएको छ । नेपाल सधैं एक चीन नीतिको पक्षमा रहँदैआएको छ ।