अबको एमाले विज्ञता र प्रविधिसहितको एउटा गतिशील संस्था बन्नुपर्छ : सुरेन्द्र पाण्डे

काठमाडौं । नेकपा(एमाले)का नेता सुरेन्द्र पाण्डेले अबको एमाले केवल राजनीतिक शक्तिमात्र होइन, देशका जटिल समस्या समाधान गर्ने ‘विज्ञता र प्रविधि’ सहितको एउटा गतिशील संस्था बन्नुपर्नेमा जोड दिएका छन् ।

अबको एमाले बचाउन तीनवटा मुख्य क्षेत्रमा तत्काल काम गर्नुपर्ने पाण्डे औंल्याउँछन् । ती तीन कुरामा पहिलो, विज्ञतामा आधारित राजनीति, अब पार्टीले केवल भाषण होइन, विषयविज्ञ र अर्थशास्त्रीहरूसँगको सहकार्यमा देशको आर्थिक संकट समाधान गर्ने ‘प्राविधिक रोडम्याप’  तयार गर्नुपर्ने कुरा उनको छ । दोस्रो, डिजिटल मेरिटोक्रेसी र तेस्रो संरचित पुस्तान्तरण । यति गर्न सके एमालेलाई पहिलेकै लयमा फर्काउन सकिने पाण्डेको तर्क छ ।

पाण्डे सामाजिक संजालमा लेख्छन्–‘के अब एमाले पहिलेकै लयमा फर्किन्छ ?’ मेरो विश्वास छ, हामी फर्किनेमात्र होइन, अझ आधुनिक र शक्तिशाली भएर उदाउन सक्छौँ । तर यसका लागि हामीले ‘इतिहासको ब्याज’ मा होइन, ‘भविष्यको लगानी’ मा ध्यान दिनुपर्छ । अबको एमाले केवल राजनीतिक शक्तिमात्र होइन, देशका जटिल समस्या समाधान गर्ने ‘विज्ञता र प्रविधि’सहितको एउटा गतिशील संस्था बन्नुपर्छ । अबको एमाले बचाउन हामीले तीनवटा मुख्य क्षेत्रमा तत्काल काम गर्नुपर्छ ।

पहिलो, विज्ञतामा आधारित राजनीति : अब पार्टीले केवल भाषण होइन, विषयविज्ञ र अर्थशास्त्रीहरूसँगको सहकार्यमा देशको आर्थिक संकट समाधान गर्ने  ‘प्राविधिक रोडम्याप’ तयार गर्नुपर्छ ।

दोस्रो, डिजिटल मेरिटोक्रेसी : व्यक्तिगत पहुँचका आधारमा जिम्मेवारी दिने प्रथा अन्त्य गर्न आधुनिक प्रविधि र पारदर्शी ‘इभ्यालुएसन फ्रेमवर्क’ लागू गर्नुपर्छ, जसले हरेक कार्यकर्ताको क्षमता र योगदानको निष्पक्ष मापन गरोस् ।

तेस्रो, संरचित पुस्तान्तरण  : नयाँ पुस्तालाई नेतृत्वमा ल्याउन र अनुभवीहरूको ज्ञान उपयोग गर्न ‘को–लिडरसिप र मेन्टरसिप’ को वैज्ञानिक मोडल सुरु गर्नुपर्छ ।