एमालेकी सन्ध्या तिवारीको पार्टीको नयाँ नाम ‘जजपा’

काठमाडौँ। तत्कालीन नेकपा एमाले र माओवादी केन्द्रबीच एकीकरण भएर नेकपा निर्वाचन आयोगमा दर्ता भएसँगै विराटनगरकी सन्ध्या तिवारीको अध्यक्षतामा नेकपा एमाले पार्टी आयोगमा दर्ता भएको थियो।

यसैबीच, तिवारी नेतृत्वको नेपाल कम्युनिष्ट पार्टी (एमाले)को नाम परिवर्तन गर्न आयोगमा निवेदन पेश भएको छ ।

सोमबार तिवारी नेतृत्वको नेकपा एमालेको नाम परिवर्तन गर्न आयोगमा निवेदन परेको आयोगका प्रवक्ता राजकुमार श्रेष्ठले बताए। ‘अब आयोगले बैठक बसेर निर्णय गर्नेछ’, श्रेष्ठले भने। 

गत फागुन २३ गते सर्वोच्च अदालतले नेकपा नाम विवादबारे गरेको फैसलाले एमाले र माओवादी केन्द्र ब्युतिएसँगै तिवारी नेतृत्वको नेकपा एमाले पार्टीलाई नाम परिवर्तन गर्न आयोगले पत्राचार गरेको थियो।

आयोगमा सन्ध्या तिवारीले लेखेको पत्र अनुसार आइतबार बसेको केन्द्रीय कमिटी बैठकले जनताको जनवाद पार्टी ९जजपा० नेपाल राख्ने निर्णय गरेको र सोही अनुसार नाम परिवर्तन गरिदिन आग्रह गरिए कोछ ।

तिवारीको पार्टीले  जनताको जनवादी पार्टी (जजपा) राख्ने गरि निर्णय भएको सो पार्टीले जनाएको छ।