बालबालिकामाथि गोली चलाउनेले नै सिंहदरबार जलाएका हुन्: रवि लामिछाने

काठमाडौँ। राष्ट्रिय स्वतन्त्र पार्टी (रास्वपा)का सभापति रवि लामिछानेले सिंहदरबार जलाउने र बालबालिकालाई गोली हान्ने एउटै भएको आरोप लगाएका छन्।

शुक्रबार चितवनमा आयोजित चुनावी सभालाई सम्बोधन गर्दै सभापति लामिछानेले जेनजी आन्दोलनमा बालबालिकालाई गोली हानिएपछि सिंहदरबार जलेको बताएका छन्। अझै पनि सिंहदरबार कसले जलाउने भन्ने प्रश्न उठिरहेको उल्लेख गर्दै लामिछानेले भने, ‘पहिले गोली हानियो, त्यसपछि संरचना जलेका हुन्।’

सिंहदरबारलाई भ्रष्टाचारको अखडा बनाइएकाले जलेको उनको भनाइ थियो। ‘आजसम्म पनि सिंहदरबार कसले जलायो भन्छन्। सिंहदरबार त्यसैले जलायो, जसले सिंहदरबारलाई भ्रष्टाचारको अखडा बनायो, बालबालिकाहरूलाई गोली ठोक्यो,’ उनले भने।

अब आफूहरूले सिंहदरबार बनाउने उनको भनाइ थियो। ‘सिंहदरबार बनाउछौँ पनि बदल्छौँ पनि,’ उनले भने।