‘रेशम चौधरीको मुद्दा फिर्ता लिंदा राजनीतिको अपराधीकरण हुन्छ’

काठमाडौं । जनता समाजवादी पार्टीले सरकारमा जानका लागि राखेका तीन वटा सर्त जसले पूरा गर्छ, त्यही पार्टीसँग सरकारमा जाने धारणा राख्दैआएको छ । जसपाले राखेका तीन वटा सर्तमा थुनामा रहेका कैलाली क्षेत्र नम्बर १ का सांसद रेशम चौधरीको मुद्दा फिर्ता प्रमुख छ ।

आफ्नो सत्ता टिकाउन ओली चौधरीको मुद्दा फिर्ता लिन समेत तयार भएका छन् । तर मानवअधिकारवादीहरुले चौधरीको मुद्दा फिर्ता लिने कार्यको बिरोध गरेका छन् । यसरी मुद्दा फिर्ता लिंदा दण्डहीनता संस्थागत हुने, पीडितका अधिकार कुल्चिने र राजनीतिको अपराधीकरण हुने चिन्ता प्रकट गरिएको छ ।

 मानवअधिकारवादी नेता चरण प्रसाईले लेखेका छन्–एक बालकसहित ८ प्रहरीको हत्यामा दोषी ठहर भएका ब्यक्तिसमेतलाई माफी दिने गरी सरकार जोगाउने खेलमा एमाले फस्नु गलत छ ।

यसबाट दण्डहीनता संस्थागत हुने, पीडितका अधिकार कुल्चिने र राजनीतिको अपराधीकरण हुन्छ । यो सत्ताको चरम दुरूपयोग हो ।