टी–२० विश्वकप: इंग्ल्यान्डले नेपाललाई दियो १८५ रनको लक्ष्य

काठमाडौँ। आईसीसी टी–२० विश्वकपमा जितका लागि इंग्ल्यान्डले नेपालसामु १ सय ८५ रनको लक्ष्य प्रस्तुत गरेको छ।

मुम्बईको वानखेडे स्टेडियममा टस जितेर ब्याटिङ गरेको इंग्ल्यान्डले निर्धारित २० ओभरमा ७ विकेटको क्षतिमा १ सय ८४ रनको योगफल तयार पारेको थियो।

नेपालका लागि दीपेन्द्र सिंह ऐरी र नन्दन यादवले समान २ विकेट लिए। नन्दन यादव, शेर मल्ल र सन्दीप लामिछानेले समान एक विकेट आफ्नो नाममा गरे। करण केसी र कुशल भुर्तेल विकेटविहीन रहे। कुशल भुर्तेलले आफ्नो स्पेलमा ४० रन खर्चे। करण केसीले ३ ओभरमा ३५ रन खर्चे। नेपालले अन्तिम ओभरमा २१ रन खान पुग्यो।

विल ज्याक्स ३९ रनमा अविजित रहे। उनले १८ बलमान १ चौका र ४ छक्का हाने। जोफ्रा आर्चर १ रन बनाउँदा करण केसीको बलमा रनआउट हुन पुगे। नेपालविरुद्ध आक्रामक सुरुवात गरेको इङल्यान्डले पावर प्लेमा २ विकेट गुमाएर ५७ रन बनाएको थियो।

८ बलमा २ रन बनाएका साम कुरन १५।३ ओभरमा दिपेन्द्र सिंह ऐरिको बलमा बोल्ड आउट हुन पुगे।

चौथो विकेटका लागि जाकोब बेथल र ह्यारी ब्रुकले ७१ रनको साझेदारी गरे।