सर्वोच्चको फैसलाः इश्वर पोखरेलको नैतिक जीत, महासचिवमा पनि पुनर्बहाली

काठमाडौं । सर्वोच्च अदालतको आइतबारको फैसलाले एमाले ब्यूँतिदा सबैभन्दा ठूलो फाइदा इश्वर पोखरेललाई भएको छ । पोखरेल एमालेको महासचिवमा पुनर्वहाली भएका छन् ।

नेकपा माओवादीसँग एकता भएपछि पोखरेलको महासचिव पद गुमेको थियो । एकता प्रक्रियामा  बिष्णुप्रसाद पौडेललाई नेकपाको महासचिव बनाएपछि पोखरेल सचिवालय सदस्यमा खुम्चिन पुगेका थिए ।

महासचिव पद गुम्ने भएपछि पोखरेल एकताको बिरोधमा अभिब्यक्ति दिंदै हिंडेका थिए । तर केपी शर्मा ओलीलाई ५ बर्ष प्रधानमन्त्री हुने सत्ताको भोक जागेकाले इश्वर पोखरेललाई अपमान गर्दै पौडेललाई महासचिव बनाइएको थियो । 
सर्वाेच्चको आइतबारको फैसलापछि सुरुदेखि एकताको बिरोधमा देखिएका पोखरेलको नैतिक जीत मात्र भएको छैन, उनको गुमेको महासचिव पद पनि प्राप्त भएको छ ।