प्रतिनिधिसभा बैठकअघि सांसदलाई कोरोना खोप दिंइदै

काठमाडौं । प्रतिनिधिसभा बैठक सुुरु हुनुअघि सांसदहरुलाई कोरोना भाइरसबिरुद्ध खोप दिइने भएको छ । संसद सचिवालयले स्वास्थ्य तथा जनसंख्या मन्त्रालयको समन्वयमा यही हप्ता सांसद तथा संसद सचिवालयका कर्मचारीहरुलाई खोप दिन लागेको हो । फागुन १९, २० र २१ गते सांसदहरुले सिभिल अस्पतालमा गएर खोप लगाउने ब्यवस्था संसद सचिवालयले गरेको छ ।

सर्वोच्च अदालतले प्रतिनिधिसभा फागुन १३ मा प्रतिनिधिसभा पुनस्र्थापना गरी १३ दिनभित्र संसद अधिवेशन डाक्न सरकारलाई आदेश दिएको छ । सरकारले राष्ट्रपति समक्ष फागुन २३ मा संसद अधिवेशन बोलाउन सिफारिस गरेको छ । तर राष्ट्रपति कार्यालयबाट संसद अधिवेशन बोलाउने सूचना जारी गरिएको छैन ।