विवेकशील साझा आज रास्वपामा सामाहित हुँदै

काठमाडौं। विवेकशील साझा पार्टी आज राष्ट्रिय स्वतन्त्र पार्टीमा विलय हुने भएको छ। आज दिउँसो २ बजे राष्ट्रिय सभागृहमा एकता घोषणासभा आयोजना हुने रास्वपा प्रवक्ता मनिष झाले जानकारी दिए ।

असल शासन र समुन्नतिसँग सरोकार राख्ने दुई दलबीच एकीकरण हुन लागेको रास्वपाको दाबी छ । विवेकशील साझा पार्टीले रास्वपाको नाम, नेतृत्व र चुनाव चिह्न स्वीकार गरी निःसर्त स्वीकार गरेको हो।

२०७० सालमा गठन भएको विवेकशील नेपाली र साझा पार्टीबिच एकीकरणपछि पार्टीको नाम ‘विवेकशील साझा पार्टी’ बनेको थियो। एकता अगाडि विवेकशीलका अध्यक्ष उज्वल थापा र साझा पार्टीका संयोजक रवीन्द्र मिश्रको संयुक्त नेतृत्व थियो। हाल थापाको मृत्यु भइसकेको छ भने मिश्र राप्रपामा प्रवेश गरेका छन्।

अहिले विवेकशील साझा पार्टीको अध्यक्ष समीक्षा बास्कोटा र महासचिव रञ्जु दर्शना छन्। एकताका लागि रास्वपाले उपसभापति डा। स्वर्णिम वाग्ले र विवेकशील साझाले उपाध्यक्ष प्रकाशचन्द्र परियारको नेतृत्वमा उच्चस्तरीय संवाद समिति बनाएको थियो।