आज दुई संसदीय समितिको बैठक बस्दै

काठमाडौँ । आज दुई वटा संसदीय समितिको बैठक बस्ने भएको छ ।

जस अन्तर्गत बिहान ११ बजे विधायन व्यवस्थापन समितिको बैठक बस्नेछ । बैठकमा समितिको वार्षिक प्रतिवेदनमाथि छलफल गरिने कार्यसूची रहेको संसदीय समितिको सचिवालयले जनाएको छ ।

यस्तै, संघीयता सबलीकरण तथा राष्ट्रिय सरोकार समितिको बैठक बिहान १० बजे बस्दै छ ।

बैठकमा जेन जेड आन्दोलनको क्रममा सिर्जना भएको असामान्य परिस्थितिमा नेपाल सरकारले अवलम्बन गरेको सार्वजनिक खर्च व्यवस्थापन, खर्च कटौतीका आधार एवं मापदण्ड, राजस्व चुहावट नियन्त्रण, वित्तीय संघीयताको कार्यान्वयन र व्यावसायिक वातावरण बनाउन भएका पहलहरू सम्बन्धमा छलफल गरिने कार्यसूची रहेको छ ।