निर्वाचन आयोगले पूर्वप्रमुख निर्वाचन आयुक्त र आयुक्तहरूसँग छलफल गर्दै

काठमाडौँ । निर्वाचन आयोगले पूर्वप्रमुख निर्वाचन आयुक्त र आयुक्तहरूसँग छलफल गर्दै छ ।

विगतको चुनावको अनुभव, शान्ति सुरक्षा र दलहरूसँगको समन्वय लगायतका विषयमा छलफल गर्न लागिएको आयोगले जनाएको छ ।

यसअघि आयोगले राजनीतिक दलहरूसँग समेत छलफल गरेका थिए । आयोगले राजनीतिक दल र सरोकारवाला सबैलाई मतदाता नामावलीमा नाम छुट भएकालाई दर्ताको लागि प्रचार गरिदिनसमेत आग्रह गर्दै आएका छन् ।

निर्वाचन तयारीको ६० प्रतिशत काम भइसकेको छ र बाँकी कामसमेत अगाडि बढिरहेको कार्यवाहक प्रमुख निर्वाचन आयुक्त रामप्रसाद भण्डारीले जनाकारी दिए ।

आयोगले चुनावका लागि आवश्यक सामग्रीको सूची तयार पारेर खरिदको काम समेत अगाडि बढाइसकेको छ ।

आगामी फागुन २१ गतेका लागि तोकिएको प्रतिनिधि सभा सदस्य निर्वाचनका लागि ७९ प्रकारका सामग्री चाहिने भनेर आयोगले सूची तयार पारेको थियो । त्यसमध्ये १४ प्रकारका वस्तु किन्ने प्रक्रिया अगाडि बढेको हो ।